Ваша заявка принята

В течении 3-18 часов на указанный емаил мы отправим реквизиты для оплаты

Поурочная разработка по казахской литературе 11 класс русской школы на тему «Абайдың «Жиырма екінші» қара сөзі»

Казахстан, Карагандинская область, Абайский район
КГУ «СОШ №15»
Учитель казахского языка и литературы
Матенова Гульнара Дилдашовна

Сабақтың мақсаты: Абай өмірі мен шығармашылығы туралы түсінік беру.

Сабақтың міндеттері:

1. Оқушыларға Абай қара сөздерін терең меңгерту, идеялық мазмұнын меңгерту

2. Әр оқушының өзіндік ой — қиялына ерік бере, өзінше ой түюге баулу, шығармашылық жұмыс жасауға жұмылдыру арқылы таным – түсініктерін, сөйлеу мәдениетін дамыту мәнерлеп оқи отырып талдау;

3. Ақын ғақлияларын оқи отырып, оқушы дүниетанымын қалыптастыру, адамгершілік қасиеттерді бойға сіңіру.

Сабақ типі: Жаңа сабақ

Сабақ түрі: Дәстүрлі

Әдіс-тәсілдері: Сұрақ-жауап, баяндау әдісі, көрнекілік, ой қорыту.

Сабақ көрнекілігі: Абай суреті, оқулық, тақта, қара сөздер жинағы

Әдіс-тәсілдер: түсіндіру, әңгімелесу, сұрақ-жауап.

Сабақ барысы:   

І. Ұйымдастыру кезеңі

а) амандасу

ә) сыныпты түгендеу

б) назарларын сабаққа аудару

ІІ. Жаңа білімді меңгерту.

Мәтінмен жұмыс.

Жиырма екінші сөз

Дәл осы күнде қазақтың ішінде кімді жақсы көріп, кімді қадірлеймін деп ойладым.
Байды қадірлейін десең, бай жоқ. Бай болса, өз басының, өз малының еркі өзінде болмас па еді? Ешбір байдың өз малының еркі өзінде жоқ. Кей бай өзі біреумен күш таластырамын деп, жүз кісіге қорғалауықтығынан жалынып, малын үлестіріп жүр. Ойлайды: жалынтып бердім деп, ақымақтығынан. Жоқ, өзі жалынып беріп жүр. Қайыр да емес, мырзалық та емес, өз елімен, өз жерімен ойраңдасып, ойсыздарға қойнын ашып, малын шашып жүр. Кей байлар, елдегі құттылар, сүттілер берекелесе алмаған соң, кеселді қулар көбейіп кетіп, көп қорқытып, іздеген нәрсесі жоқ, еріксіз кім болса соған жеміт болып жүр.

Мырзаларды қадірлейін десең, осы күнде анық мырза елде жоқ, мал бергіш мырза иттен көп. Біреу бір пайдама келтірем деп мырза болып жүр. Біреулер к…не құрым киізді тұзға малшып тыққан соң есі шығып, мырза болып, еріксіз кім болса соған талтайып емізіп жүр.

Болыс пен биді құрметтейін десең, құдайдың өзі берген болыстық пен билік елде жоқ. Сатып алған, жалынып, бас ұрып алған болыстық пенен биліктің ешбір қасиеті жоқ.
Мықтыны құрметтейін десең, жаманшылыққа елдің бәрі мықты, жақсылыққа мықты кісі елде жоқ.

Есті кісіні тауып құрметтейін десең, әділет, ұят, нысапқа есті кісі елде жоқ. Қулық, сұмдық, арамдық, амалға елдің бәрі де есті.

Ғаріп-қасар бишараны құрметтейін десең, жатқан түйеге міне алмаса да, ол момындыққа есеп емес. Егер мінерлік жайы болса, бірдемені ептеп ілерлік те жайы бар.
Енді қалды қу мен сұм, олар өзі де қуартпай, суалтпай тыныштық көрер емес.
Жә, кімді сүйдік, кімнің тілеуін тіледік? Өзі құрттанып шашылған болыс-билер тұра тұрсын. Енді, әлбәттә, амал жоқ, момындығынан «Ырыс баққан дау бақпас» деген мақалмен боламын деп, бергенінен жаға алмай, жарымын беріп, жарымын тыныштығымен баға алмай, ұры, залым, қуларға жеміт болып жүрген шын момын байларды аямасаң һәм соның тілеуін тілемесең болмайды. Сонан басқаны таба алмадым.

1894

 

IІІ. Жаңа білімді бекіту.

 

Сол уақыттағы «кедей» халықҚазіргі әлеуметтік жағдайы төмен адамадрСол уақыттағы байларҚазіргі әлеуметтік жағдайы жоғары адамдар
  

 

  

 

Идеясы:

Тәрбиелік мәні:

Оқушының қорытындысы.

Скачать


Добавить комментарий

Ваш e-mail не будет опубликован. Обязательные поля помечены *